Сўнгги ярим йил ичида ҳуқуқни муҳофаза қилиш органлари Урганч шаҳрида қимор ўйинларини ташкил қилиш билан боғлиқ учта ҳолатга дуч келишди. Бу ҳақда «Постда» газетаси маълумотига таяниб, Uz24.uz хабар берди.
Биринчи иккита ҳолатда шаҳарда яшовчи фуқаролар — Ўктам А. ва Азамбой Т. ўз уйларида «казино» очгани аниқланган. Улар ўнлаб кишиларни йиғиб, ярим кечагача қартабозлик қилган. Ўйинга нақд пул тикилган. Покер кўп миқдорда спиртли ичимликлар ичиш билан ўтган.
Шовот туманида яшовчи яна бир покер ишқибози — Баҳром К. ўзига тегишли «мойка»да қимор ўйинлари ҳаваскорлари учун клуб очган. Бироқ кўп ўтмай милиция уни қўлга олган.
Юқоридаги ҳолатлар бўйича жиноий ишлар қўзғатилган.
Изоҳ (0)