Тошкент шаҳрининг Чилонзор туманидаги йўл-транспорт ҳодисаси туфайли автомобильда бўлган пуллар ерга сочилди. Бу ҳақда ижтимоий тармоқларанинг фойдаланувчилари хабарига асосланиб «Кун» маълум қилди.
Ҳодиса 27 июнь, жумада, куннинг иккинчи ярмида, Кичик ҳалқа йўлининг собиқ «Комфорт-елит» дўкони қаршиси (Дўмбиробод)даги қисмида содир бўлган.
Йўл-транспорт ҳодисаси натижасида тўқнашган машиналардан бири ағдарилиб кетган, унда иштирок этган инкассатор машинадан пуллар сочилиб кетган.
Ҳодиса натижасида бирор киши жабр кўрган-кўрмаганлиги тўғрисида аниқ маълумотлар йўқ. Сочилган пулларни йиғиша ўткинчи йўловчилар ёрдам беришган.
Twitter’даги @sarlavha (Линксиз хабарлар) аккаунти томонидан ҳодиса жойидан олинган видеофайл юкланган, унда одамлар пул териб олаётганини кўриш мумкин.
Тузатиш: Ижтимоий тармоқ фойдаланувчиларининг тахминига кўра ЙТҲда инкассатор машинаси қатнашган, аммо бу ҳақда аниқ маълумот йўқ.
Изоҳ (0)