Америкадаги йирик чакана савдо тармоғи — Walmart ўз дўконларида iPhone 5s ҳамда iPhone 5c смартфонларининг нархлари тушиб кетаётгани ҳақида хабар берди, деб ёзади Mail.Ru.
Дўконда 16 гигабайт хотирали iPhone 5s смартфонининг нархи 149 доллардан 99 долларга тушган. Худди шундай хотирага эга iPhone 5c эса 20 долларга арзонлашиб, 29 доллар нархда сотилмоқда. Албатта, смартфонлар бундай нархда маҳаллий телефон оператори билан тузилган 2 йиллик шартнома асосида сотилади.
Қурилмаларнинг арзонлашишидан шуни билиш мумкинки, Apple янги iPhone 6 смартфонининг тақдимотига ҳозирлик кўрмоқда. Янги Apple смартфонининг сотилишига эса бор-йўғи 3 ой муддат қолди. Шу боис ҳаридорлар янги русумдаги смартфонни кутиб, эскиларини сотиб олишга киришмаяпти.
Bloomberg агентлигининг тасдиқлашича, янги Apple смартфонлари анча ингичка ҳамда бурчаклари айлана шаклида бўлади. iPhone 6’нинг икки хил дисплейга эга тури (4,7 ва 5,5 дюйм) ҳам худди iPhone 5s каби – оқ, кулранг ва тилларангда бўлади. Унда кам қувват сарфловчи А8 процессори ўрнатилади ва у яқинда тақдим этилган iOS 8 операцион тизимида ишлайди.
Изоҳ (0)