Шанхай ҳамкорлик ташкилоти раҳбарлигидаги терроризмга қарши «Тинчлик миссияси» ҳарбий машғулотлари август ойи охирида Хитойнинг «Чжужихе» полигонида ўтказилади. Бу ҳақда Россия Шарқий ҳарбий округи полковниги Александр Гордеев сўзларига асосланиб, «РИА Новости» хабар берди.
Шанхай ҳамкорлик ташкилотини Россия, Қозоғистон, Хитой, Қирғизистон, Тожикистон ва Ўзбекистон давлатлари ташкил қилади. Белоруссия, Шри-Ланка ва Туркия ушбу давлатлар билан шериклик мақомига эгалар.
«Тинчлик миссияси» машғулотлари 2014 йилнинг 24 августидан 29 августига қадар олиб борилади. Россия томонидан 800 дан ортиқ ҳарбий хизматчилар иштирок этиб, турли хилдаги ҳарбий техникадан фоядаланилади.
Бундан ташқари, ўқув машқлари давомида округ авиацияси, жумладан саккизта Ми-8 вертолётлари, тўртта Су-25 ҳужумчи самолётлари ва икки дона Ил-76 ҳарбий юк ташувчи самолётларидан кенг кўламда фойдаланилади.
Июнь ойининг бошларида Россия Федерацияси Хавфсизлик Кенгаши котиби Николай Патрушев Россия ва Хитой нафақат икки томонлама, балки минтақавий ҳамкорликни ҳам кучайтириши кераклигини айтган эди.
Изоҳ (0)