25 ёшли хитойлик футбол ишқибози жаҳон чемпионати мусобақаларини кўриб, уйқуга тўймасликдан вафот этди. Бу ҳақда «Синьхуа» агентлиги хабарига асосланиб, «РИА Новости» хабар берди.
Сучжоу шаҳрида яшовчи йигит шанба куни тонгда ўз хонасидаги телевизор қаршисида ўлик ҳолда топилган. Телевизорда эса футбол бўйича жаҳон чемпионати трансляцияси бораётган бўлган.
Шифокорлар ёш йигитнинг ўлими уйқусизлик билан боғлиқлигига шубҳа билан қарамоқда. Бироқ ҳозирча ўлим сабаби аниқланмаган. Йигитнинг кучли чарчоқ ёки юрак хуружидан вафот этгани тахмин қилинмоқда. Тиббиёт ходимлари футбол мухлисларини ўз соғлиқларига эътиборли бўлишга чақирмоқда.
Нашрнинг таъкидлашича, Бразилия ва Хитой вақти ўртасидаги фарқ 11 соатга тенг.
Изоҳ (0)