АҚШ Президенти Барак Обама Бразилияда бўлиб ўтаётган футбол бўйича жаҳон чемпионатида иштирок этаётган АҚШ миллий терма жамоасини қўллаб-қувватлаб, ўз Twitter’ига ватанпарварлик руҳидаги сўзлар ва расмни жойлаштирди.
«Майдонда 11 киши, яна 300 миллион киши улар учун қайғурмоқда», — деб ёзади Обама. Шунингдек, президентнинг саҳифасида АҚШ байроғининг сурати ва «Бир миллат. Бир жамоа» деган сўзлар жойлаштирилган.
АҚШ футболчилари 17 июнь куни мундиални Гана терма жамоаси устидан ғалаба билан бошлади. АҚШ терма жамоаси Ганани 2:1 ҳисобида Клинт Демпси ва Жон Бруксларнинг голлари эвазига доғда қолдирдилар. Африкаликлардан эса, Андре Айю ўз голи билан ажралиб турди.
Кейинги учрашувни АҚШ терма жамоаси 22 июнда Португалияга қарши ўтказади. Сўнгги гуруҳ баҳсида эса, америкаликлар «немис машинаси« билан куч синашадилар. Ҳозирда АҚШ жамоаси «G» гуруҳида Германиядан сўнг иккинчи ўринни эгаллаб келмоқда
Изоҳ (0)