Нью-Йорк суди қотилликда янглиш айбланган кишини озодликка чиқариш ҳақида қарор қабул қилди. Бу ҳақда New York Daily News хабар берди.
Рожер Логан 3 июнь, сешанба куни жазони қайта кўриб чиқиш бўлинмаси саъй-ҳаракатлари шарофати билан озодликка чиқди. У қамоқда 17 йил умрини ўтказди.
Логан 1997 йил 24 июль куни Шервин Гиббонсни ўлдирганликда айбланиб ҳибсга олинган эди. Асосан, қўшни аёл берган кўрсатмаларга таяниб, унга 25 йилдан бир умргача қамоқ жазоси белгиланган. Анча йиллардан кейингина Логанни жиноят содир этилган жойда кўрганлигига судни ишонтирган аёл аслида ҳодисага гувоҳ бўлмагани маълум бўлди.
Изоҳ (0)