Россия 1 июнь куни Бирлашган Миллатлар Ташкилоти Хавфсизлик Кенгаши раислигини қабул қилди. У эстафета таёқчасини кенгаш ишини май ойида бошқарган Жанубий Кореядан олиб, кейинги ойда Руандага топширади. Бу ҳақда «ИТАР-ТАСС» хабар берди.
Россия Федерациясининг БМТдаги доимий вакили Виталий Чуркиннинг айтишича, катта эътибор Яқин Шарққа қаратилади, Яман, Ливиядаги вазият, Сурияни кимёвий қуролсизлантириш, ушбу мамлакатдаги гуманитар ҳолат масалалари муҳокама қилинади.
Шунингдек, ой давомида Афғонистон, баъзи Африка давлатлари, Судан ва Жанубий Судан муносабатлари бўйича мажлислар ўтказилади.
Ҳозирча Украина бўйича алоҳида учрашувлар кўзда тутилмаган бўлса-да, РФ доимий вакили бу «эҳтимолдан холи эмас», — деди.
Изоҳ (0)