КХДР жосуслик учун бутун умрга сургун қилинган жанубий кореялик дин тарғиботчиси Ким Чен Укни озод этиши ва ватанига қайтариши керак. Корея Республикаси бирлашув вазирлиги ана шундай баёнот билан чиқди. Бу ҳақда «ИТАР-ТАСС» хабар берди.
Вазирлик Шимолий Кореянинг ушбу хатти-ҳаракати халқаро ҳуқуқ ва инсонпарварлик тамойилларини очиқдан-очиқ бузиш эканини таъкидлади.
31 май куни КХДР Олий суди дин тарғиботчисини «жосуслик, давлатга қарчи қўпорувчилик фаолияти ва давлат тузумини ағдаришга уриниш» каби оғир жиноятларда айблади. Булар учун Ким Чен Ук ўлим жазосига ҳукм қилиниши талаб этилади, бироқ у ўз айбини тан олгани учун бир умрлик сургунга маҳкум этилди.
КХДР ҳукумати талқинича, Жанубий Корея разведкаси агенти душманларча хатти-ҳаракатларни амалга ошириш учун махфий равишда Пхеньянга келган. У пойтахтда ноқонуний фаолият юритадиган черковлар тармоғини тузиб, у орқали мамлакатдаги ички вазият ҳақида ахборот йиғмоқчи бўлган.
Изоҳ (0)