Facebook асосчиси Марк Цукерберг ва рафиқаси Приссила Сан-Франсиско кўрфази яқинида жойлашган мактаблардаги таълим даражасини оширишга 120 миллион доллар сарфлайди. Бу ҳақда Цукерберг ўзининг Facebook’даги саҳифасида маълум қилди.
Маблағлар мактаб хоналарини жиҳозлаш, аълочи ўқувчиларни қўллаб-қувватлаш ва бошқаларга йўналтирилади.
Цукерберг бундан кўзланган мақсад «Кремний водийси»нинг бир қисми бўлган ушбу ҳудуддаги ўқув муассасаларида таълим билан боғлиқ вазиятни ўзгартиришдан иборатлигини таъкидлади. Унинг фикрича, яхши тайёргарлик кўрмаётгани туфайли мактаб ўқувчилари университетларга кириш ва у ерда ўқишда қийинчиликларга дуч келмоқда.
Изоҳ (0)