Кореянинг Тошкентдаги Инҳа университетига 7 майдан онлайн тарзда рўйхатдан ўтиш бошланди. Абитуриентлар ушбу ОТМ сайтидаги электрон анкетани тўлдиришлари мумкин. Бу ҳақда «Анонс» нашри хабар берди.
Рўйхатдан ўтиш жараёнида абитуриент исм-шарифи, туғилган санаси, фотосурати, IELTS сертификати, ўзи битирган ўқув муассасаси номи ва манзили каби маълумотларни киритади.
Бундан ташқари, камида 500 сўздан иборат автобиография, ушбу йўналишни танлашидан мақсад ва сабаблар ҳақида 800 сўздан иборат иншо, шунингдек ўз истеъдод ва иштиёқлари тўғрисида 700 сўзли маълумотни тақдим этиши лозим.
Онлайн рўйхатдан ўтиш 7 майдан 20 июнгача давом этади. Рўйхатдан ўтиб бўлган абитуриентлар Тошкентдаги Инҳа университети қабул комиссиясига 6—20 июнь кунлари ўз ҳужжатларини топшириши керак бўлади.
Изоҳ (0)