Тошкент шаҳар фавқулодда вазиятлар бошқармаси «Тошкентдонмаҳсулотлари» очиқ акциядорлик жамиятида «Техноген характерга эга фавқулодда вазиятларда фуқаролик мудофаасини шакллантириш хатти-ҳаракатлари» мавзусида махсус тактик ўқув машғулоти ўтказди. Бу ҳақда ФВВ матбуот маркази хабар берди.
Ўқув машғулоти пайтида фавқулодда вазиятларда коммунал хизматларнинг узлуксиз ишлашини таъминлаш, раҳбарият ва ишчи ходимларга фавқулодда вазият ҳақида хабар етказиш масалалари синовдан ўтказилди. Шундан кейин шартли равишда жабрланганларни эвакуация қилиш ва уларга биринчи тиббий ёрдам кўрсатиш бўйича амалий тадбирлар ўтказилди.
Ўқув машғулотида жами 115 киши иштирок этиб, еттита махсус техникадан фойдаланилди.
Изоҳ (0)