Тошкентга Марказий Осиё бўйлаб ўтказилаётган турне доирасида Москванинг Юрий Никулин номидаги машҳур цирки ташриф буюрди. Ижодий жамоа мухлисларни сув устидаги чиқишларни томоша қилишга таклиф этмоқда. Бу ҳақда Uzbekistan Today хабар қилди.
Май сўнгига қадар Ўзбекистон Давлат цирки манежи бассейнга айлантирилади. Чиқишлар учун цирк аренасида махсус ускуна ўрнатилди. Манежда 150 тонна сув билан тўлдирилган ва 15 метрлик фонтанга эга бассейн пайдо бўлди. Мазкур сунъий сув ҳавзасига замонавий сув тозалаш ва дезинфексия қилиш тизими ўрнатилди. Шунингдек, лазер-шоу ташкил этиш учун махсус жиҳозлар ўрнатилди.
Дастурдан сув устида балет, турли аттракционлар, акробат ва гимнастлар, масхарабозлар чиқишлари ўрин олган.
Шоу-дастурда «Минута слави» («Машҳурлик дақиқаси») кўрсатуви финалчилари ҳам иштирок этади.
Изоҳ (0)