4 май куни Тошкентдаги «Пахтакор» ўйингоҳида «Сариқ бўйинбоғ» деб номланган Ўзбекистонда биринчи жайдари итлар кўргазмаси бўлиб ўтди. Бу ҳақда gazeta.uz хабар берди.
Тадбирда 16 та зотсиз итлар қатнашди, уларнинг баъзилари «Меҳр ва шафқат» ҳайвонлар ҳимояси жамияти қарови остидадир.
Танлов доирасида итларнинг ташқи кўриниши ва жозибадорлиги, ўзини тутиши ва хўжайини билан алоқаси, итнинг оилада пайдо бўлиш тарихи, шунингдек, унинг истеъдодлари баҳоланди.
Кўрикда итларнинг катталигига қараб, «Мини» (20—30 см), «Ўртача» (30—40 см) ва «Паҳлавон» (40—50 см ва ундан юқори) категорияларида ғолиблар аниқланди.
«Меҳр ва шафқат» жамияти директори Мадина Саидкаримованинг таъкидлашича, тадбирни ўтказишдан мақсад, зоти йўқ, жайдари итларни жамоатчилик орасида оммалаштириш, тўрт оёқли дўст танлашда зотнинг асосий рол ўйнамаслигини кишиларга етказишдан иборат.
Изоҳ (0)