Жорий йилнинг 1 майидан 20 июлига қадар Дубай халқаро аэропортидаги учиш-қўниш йўлакларидан бирида таъмирлаш ишлари бажарилади. Шу сабабдан, иккинчи учиш-қўниш йўлагига сезиларли оғирлик тушади, деб хабар қилди «Ўзбекистон ҳаво йўллари» МАК.
Дубайдан ёки унга парвоз амалга оширувчи авиакомпаниялар қатъий жадвал бўйича парвоз қилишлари ҳақида огоҳлантирилган.
«Ўзбекистон ҳаво йўллари» МАК йўловчилардан рейс учишидан 3 соат аввал рўйхатдан ўтишга ҳамда рейс учишига 30 дақиқа қолишидан аввалроқ самолётга чиқишга ўз вақтида келишларини сўрайди.
Ўз вақтида келмаган йўловчиларнинг ташилишига рухсат берилмайди. Бундан ташқари, рўйхатдан ўтган юкни рейсдан ечиб олиш учун 140 АҚШ доллари тўланади.
Изоҳ (0)