«Соғлом авлод учун» халқаро хайрия фонди 1 май куни фондга ёрдам сўраб мурожаат қилган болаларга 14 та ногиронлик аравачалари топширди. Бу ҳақда фонд матбуот хизмати хабар берди.
АҚШнинг AmeriCares халқаро ташкилоти томонидан жорий йилда умумий қиймати 23 803,8 долларга тенг бўлган 550 та ногиронлар аравачалари юборилган.
1 май куни имконияти чекланган болалар учун ўтказилган хайрия тадбирида ногиронлик аравачалари ва уларнинг эҳтиёт қисмлари топширилди.
Таъкидлаш жоиз, ушбу халқаро ташкилот томонидан 2010—2014 йиллар давомида жами 2750 дона ногиронлик аравачалари юборилган бўлиб, улар жойлардаги Меҳнат ва аҳолини ижтимоий муҳофаза қилиш ва Соғлиқни сақлаш бошқармалари, Хотин-қизлар қўмиталари ва «Маҳалла» фонди бўлимлари орқали тарқатилди.
Изоҳ (0)