Навоий шаҳридаги маданият ва истироҳат боғи реконструкция қилинади, дея хабар берди «Правда Востока» газетаси.
Қайта қуриш ишларига «Навоийазот» ОАЖ, «Қизилқумцемент» қурилиш цехлари, НКМК корхоналари бригадалари ва бошқа қатор ташкилотлар мутахассислари жалб этилган.
Шаҳар боғини янгилаш лойиҳасини ишлаб чиққан «Навоийшаҳарсозликлойиҳа» МЧЖ вакилларининг айтишича, 17 гектар ҳудудда фаол дам олиш учун майдонлар, шу жумладан 450 томошабинга мўлжалланган усти очиқ зал қурилади.
Бундан ташқари, янги аттракционлар ўрнатилади. «Чархпалак» аттракционининг янги механизми Навоий машинасозлик заводида тайёрланади.
Шунингдек, янги боғда шийпончалар қурилади, марказий кириш қисмида эса ранг-баранг мусиқий фонтан барпо этилади.
Изоҳ (0)