«Ўзбекнефтгаз» миллий холдинг компанияси йил охиригача Қашқадарё вилоятидаги «Муборак газни қайта ишлаш заводи» унитар-шўба корхонасида умумий қиймати 220 миллион долларга тенг модернизациялаш ишларини бошлайди. Бу ҳақда gazeta.uz хабар берди.
Лойиҳанинг дастлабки техник-иқтисодий асоси айни пайтда ҳукумат томонидан тасдиқланмоқда, молиялаштириш манбалари аниқланган. Лойиҳа «Ўзбекнефтгаз»нинг 170 миллион долларлик ўз маблағлари ҳамда Тараққиёт ва тикланиш фондининг 50 миллион долларлик кредитлари ҳисобидан молиялаштирилади.
Ушбу лойиҳа умумий қуввати йилига 6 миллиард кубометр бўлган учта универсал блоклар таркибидаги саккизинчи навбатдаги газни олтингугуртдан тозалаш иншоотларини қуришни кўзда тутади.
2013 йил мартида еттинчи навбатдаги газни олтингугуртдан тозалаш лойиҳаси амалга оширилган, унинг қиймати 171,8 миллион долларни ташкил этган эди.
Изоҳ (0)