2 майда Афросиёб музейидаги «Элчилар» деворий сурати қайта тиклана бошлайди. Бу ҳақда UzDaily хабар берди.
1965 йилда тасодифан топиб олинган ушбу сурат VII асрга тегишлидир. Девор синчи ейилиши натижасида расм йўқолиб кетиши мумкин, шунинг учун уни қисқа вақт ичида тўлиқ реставрация қилиш талаб этилади.
Сўғдиёнадаги француз-ўзбек археологик миссияси ташаббуси билан, Ўзбекистон маданият ва спорт ишлари бўйича вазирлиги билан битим доирасида Афросиёб тасвирларини сақлаш бўйича уюшма тузилди ҳамда маблағ йиғиш учун халқаро тендер эълон қилинди.
Лойиҳа ЮНЕСКОнинг Тошкентдаги бюроси ҳамкорлигида амалга оширилади. Тўрт йилга мўлжалланган ишлар франциялик мутахассис Жеральдин Фрей раҳбарлигида бажарилади.
Изоҳ (0)