Болгария пойтахти София шаҳрида бокс бўйича ёшлар ўртасида ўтказилаётган жаҳон чемпионатида 10 нафар ўзбекистонлик боксчидан 9 нафари саралаш мусобақаларини муваффақиятли бошлаб, совринли ўринлар учун курашни давом эттирмоқда. Бу ҳақда Ўзбекистон Миллий Олимпия қўмитаси матбуот хизмати хабар берди.
Икки нафар спортчи: Абдулҳай Шорахматов ҳамда Шоҳрухбек Эркинов нимчорак финалга чиққан бўлса, қолган етти нафар спортчи 1/16 финал босқичида рингга кўтарилади.
Абдулҳай Шорахматов шу кунга қадар икки бор рингга чиқиб ҳар икки жангни ҳам ўз фойдасига ҳал этган. Сулаймон Латипов, Шукуржон Раҳимов, Иқболжон Холдоров, Маҳмуд Ғоипов ва Шоҳрухбек Эркиновлар биттадан ғалабага эришди. Бектемир Мелиқўзиев, Козимбек Мардонов ва Обиджон Тоҳиров 1/16 финал босқичидан баҳсларга киришади.
Терма жамоа аъзоларидан фақатгина Рахматулло Ғофуров (-91 кг) биринчи босқичда мағлубиятга учради.
Қуйида Ўзбекистон терма жамоаси аъзоларининг навбатдаги рақиблари берилган:
- 49 килограммгача вазн тоифасида: С. Латипов – Н. Алфонсо (Аргентина). Ушбу жанг 19 апрель куни ўтказилади. 1/16 финал босқичи.
- 52 кг: А. Шорахматов – М. Юсуфзода (Озарбойжон). 20 апрель. 1/8 финал.
- 56 кг: Ш. Раҳимов – М. Йилдирим (Германия). 18 апрель. 1/16 финал.
- 60 кг: И. Холдоров – Л.Уилсон (Австралия). 19 апрель. 1/16 финал.
- 64 кг: М. Ғоипов – З. Ридгевелл (Канада). 18 апрель. 1/16 финал.
- 69 кг: Б. Мелиқўзиев – К.Тобар (Гватемала). 19 апрель. 1/16 финал.
- 75 кг: К. Мардонов – С. Маринаж (Жазоир). 18 апрель. 1/16 финал.
- 81 кг: О. Тоҳиров – И. Кулиненка (Болгария). 19 апрель. 1/16 финал.
- 91 килограммдан юқори вазн бўйича: Ш. Эркинов – П. Кадиру (Германия). 20 апрель. 1/8 финал
Изоҳ (0)