Шоссе велоспорти бўйича Ўзбекистон чемпионатида тошкентлик спортчи ғолиб бўлди

Тошкент вилоятининг Янгибозор шоссесида 7—11 апрель кунлари эркаклар ўртасида шоссе велоспорти бўйича Ўзбекистон очиқ чемпионати бўлиб ўтди. Бу ҳақда, Ўзбекистон велоспорт федерацияси матбуот хизматига асосланиб, «Gazeta.uz» хабар бермоқда.

Мусобақа тўрт босқичдан иборат кўпкунлик велопойга тартибида давом этиб, унда иштирокчилар 25 километр масофани вақтга босиб ўтиш ва 108, 124 ва 108 километр масофа бўйлаб гуруҳ пойгалари бўйича беллашишди, — деб ёзади «Кун» нашри.

Тўрт босқич якунларига кўра, тошкентлик Дмитрий Лозовой 2014 йилги Ўзбекистон чемпионига айланган бўлса, Эрнест Османов (Тошкент вилояти) ва Артур Халилов (Наманган вилояти) мос равишда кумуш ва бронза медаллар соҳибига айланишди.