Бирлашган Араб Амирликларининг Дубай шаҳрида пауэрлифтинг (Паралимпия оғир атлетикаси) бўйича ёшлар ва катталар ўртасида ўтказилаётган жаҳон чемпионатида Ўзбекистон терма жамоаси аъзоси Искандар Турсунбоев (-59 кг) уч уринишда 120 килограмм тошни ўзига бўйсунтириб, кумуш медаль ва Инчеон шаҳрида (Хитой) ўтказиладиган ПараОсиё ўйинлари йўлланмасига эга бўлди. Бу ҳақда Ўзбекистон Миллий Олимпия қўмитаси матбуот хизмати хабар берди.
Дунёнинг 60 дан зиёд давлати вакиллари иштирокида ўтаётган мазкур жаҳон чемпионатида бугун навбатдаги мусобақалар ўтказилади. Бугун бўлиб ўтадиган мусобақаларда яна бир ўзбекистонлик Фарҳод Умрзоқов (-65 кг) баҳсларга киришади.
Шу тариқа, ПараОсиё ўйинларига йўлланма олган спортчиларимиз сони 8 нафарга етди. Бунга қадар 7 нафар енгил атлетикачи ПараОсиё ўйинлари лицензияларини қўлга киритган эди.
Изоҳ (0)