Veolia Energy Tashkent kompaniyasi daraxt qulashi oqibatida halok bo‘lgan qizning oila aʼzolariga hamdardlik bildirdi.
Biz oilaga har qanday yordamni taqdim etishga tayyormiz. Bu fojiali yo‘qotish va hech bir so‘z bilan ifoda etib bo‘lmas musibat ekanligini anglaymiz. Qizaloq oilasiga chuqur taʼziyamizni bildiramiz, — deyiladi xabarda.
Ta’kidlanishicha, ayni damda kompaniya keng qamrovli tekshiruv ishlarini olib bormoqda va masʼul shaxslarga nisbatan choralar ko‘radi, shuningdek, ish jarayonlariga, shu jumladan, taʼmirlash ishlariga o‘zgartirishlar kiritadi.
Ko‘rib chiqilayotgan imkoniyatlar:
- daraxtlar va boshqa ko‘p qavatli obyektlar yaqinida ish olib borilganda, amaldagi meʼyorlarda nazarda tutilganidan kattaroq maydonni to‘sib qo‘yish;
- xavfli zonaning perimetri atrofida odamlarning kirishini cheklash uchun ishchi xodimlarni joylashtirish.
Bundan tashqari, agar ishlar potensial xavfli obyektlar (quruq daraxtlar, eskirgan inshootlar va boshqalar) yaqinida amalga oshirilsa, tayyorgarlik tadbirlarini o‘tkazish uchun maxsus xizmatlarni jalb qilish (quruq daraxtlarning shoxlarini kesish, beqaror inshootlarni demontaj qilish, va boshqalar).
Eslatib o‘tamiz, 3-may kuni Chilonzor tumani 5-mavzeda 55 yoshli enaga bir yoshli qizchani aravachada olib ketayotgan vaqtda uning ustiga daraxt qulab tushgan. Bola voqea joyida halok bo‘lgan. Mazkur holat yuzasidan Jinoyat kodeksining 186-moddasi 3-qismi (Xavfsizlik talablariga javob bermaydigan tovarlarni o‘tkazish maqsadini ko‘zlab ishlab chiqarish, saqlash, tashish yoxud o‘tkazish, ishlar bajarish yoki xizmatlar ko‘rsatish) bo‘yicha jinoiy ish ochilgan.
Izoh (0)