Kino — bu xayoliy olam, ammo sinchkov kinomuxlislar uni osonlikcha fosh qilishadi. Ayniqsa, XIX asrga oid filmda zamonaviy zamokli ko‘ylak paydo bo‘lsa yoki 1960-yillar qahramoni o‘sha paytda hali mavjud bo‘lmagan breketlarini taqib yurishi tomoshabinlar e’tiboridan chetda qolmagan.
“Nil daryosidagi o‘lim” — bosh qahramonning marvaridi
Gal Gadotning marjonidagi qimmatbaho tosh asl bo‘lib, dunyodagi eng yirik va qimmat olmoslardan biri hisoblanadi. U 1877-yilda topilgan, ammo marjonga 1957-yildagina o‘rnatilgan. Biroq filmning voqealari 1937-yilda kechadi.
“Garri Potter va Azkaban mahbusi” — aktyorlarning belidagi mikrofonlar
Personajlarning orqasida g‘alati bo‘rtmalar ko‘zga tashlanadi — bular kadrda qoldirilgan mikrofonlarning batareyalari. Albatta, ziyrak muxlislar bu xatoni tezda payqashgan.
“Ustasi farang” — 1960-yillar oxirida qahramonning tishlariga breketlar qo‘yilgan
Sinchkov tomoshabinlar Brenda 70-yillarning oxirida keng qo‘llanila boshlagan breketlar taqib yurganini payqashgan. Vaholanki, filmdagi voqealar 1960-yillarda sodir bo‘ladi.
“Andisha va g‘urur” — Kira Naytli qahramonining etiklari
Ehtimol, film ijodkorlari har bir mayda-chuydasigacha puxta o‘ylangan deb hisoblashgan bo‘lsa-da, eng sadoqatli muxlislar bosh qahramonlarning etiklarini filmda tasvirlangan davrda mavjud bo‘lishi mumkin emasligini qayd etishdi. Rezina etiklar faqat bir necha o‘n yildan keyin urf bo‘la boshlagan.
“Benjamin Battonning sirli tarixi” — Ray-Ban ko‘zoynaklari
Epizodlarning birida Bred Pitt qahramoni mototsiklda Ray Ban 3025 Aviator modelidagi ko‘zoynak taqib oladi. Syujetga ko‘ra, ushbu parchada tasvirlangan voqealar 1945-yilda sodir bo‘ladi. Ammo bu ko‘zoynak modeli faqatgina 1952-yilga kelibgina ishlab chiqariladi.
“Kelajakka qaytib” — Marti Makflayning gitarasi
Ko‘pchilik tomoshabinlar sevib ko‘radigan vaqt sayohatchilari haqidagi afsonaviy film. Biroq bu filmda ham muxlislar bir nomuvofiqlikni payqab qolishdi: 1955-yilga oid sahnada Marti Gibson gitarasida solo ijro etadi. Muammo shundaki, bu gitara modeli faqatgina 1958-yilda ishlab chiqarilgan edi.
“Garri Potter va Alanga kubogi” — Germionaning balda kiygan ko‘ylagi
Germionaning ko‘ylagi filmda pushti rangda ko‘rsatiladi. Biroq kitobida u havorang ko‘ylak kiygan.
“Betmen qaytmoqda” — qora ritsar grimi
“Betmen qaytmoqda” filmining yakuniy sahnasida Maykl Kiton ijrosidagi bosh qahramon yuzidagi niqobini yechib, Mushuk ayolga aslida kimligini oshkor qiladi. Ammo bundan bir soniya oldin uning ko‘zlari atrofidagi qora pardoz sehrli tarzda g‘oyib bo‘ladi.
“Kichkina ayollar” — qahramonlarning kiyimlari
Luiza Mey Eskott asarining muxlislari, shubhasiz, oilaning kambag‘al yashagani haqida bilishadi. Film qahramonlarning xarakterini juda aniq ifodalagan bo‘lsa-da, qahramonlarning o‘sha davr uchun ancha qimmat bo‘lgan kiyimlarini tez-tez almashtirib turishi tomoshabinlarga g‘alati tuyuldi.
“Buyuk Getsbi” Deyzining ko‘ylagi
Deyzi kiygan ko‘ylaklar juda zamonaviy ko‘rinadi. O‘sha davrdagi siluet erkinroq, bo‘yin kesimi to‘rtburchak shaklida, orqadagi kesim esa ancha chuqurroq bo‘lgan.
Izoh (0)