Кино — бу хаёлий олам, аммо синчков киномухлислар уни осонликча фош қилишади. Айниқса, ХIX асрга оид фильмда замонавий замокли кўйлак пайдо бўлса ёки 1960 йиллар қаҳрамони ўша пайтда ҳали мавжуд бўлмаган брекетларини тақиб юриши томошабинлар эътиборидан четда қолмаган.
“Нил дарёсидаги ўлим” — бош қаҳрамоннинг марвариди
Гал Гадотнинг маржонидаги қимматбаҳо тош асл бўлиб, дунёдаги энг йирик ва қиммат олмослардан бири ҳисобланади. У 1877 йилда топилган, аммо маржонга 1957 йилдагина ўрнатилган. Бироқ фильмнинг воқеалари 1937 йилда кечади.
“Гарри Поттер ва Азкабан маҳбуси” — актёрларнинг белидаги микрофонлар
Персонажларнинг орқасида ғалати бўртмалар кўзга ташланади — булар кадрда қолдирилган микрофонларнинг батареялари. Албатта, зийрак мухлислар бу хатони тезда пайқашган.
“Устаси фаранг” — 1960 йиллар охирида қаҳрамоннинг тишларига брекетлар қўйилган
Синчков томошабинлар Бренда 70 йилларнинг охирида кенг қўлланила бошлаган брекетлар тақиб юрганини пайқашган. Ваҳоланки, фильмдаги воқеалар 1960 йилларда содир бўлади.
“Андиша ва ғурур” — Кира Найтли қаҳрамонининг этиклари
Эҳтимол, фильм ижодкорлари ҳар бир майда-чуйдасигача пухта ўйланган деб ҳисоблашган бўлса-да, энг садоқатли мухлислар бош қаҳрамонларнинг этикларини фильмда тасвирланган даврда мавжуд бўлиши мумкин эмаслигини қайд этишди. Резина этиклар фақат бир неча ўн йилдан кейин урф бўла бошлаган.
“Бенжамин Баттоннинг сирли тарихи” — Рай-Бан кўзойнаклари
Эпизодларнинг бирида Бред Питт қаҳрамони мототциклда Рай Бан 3025 Авиатор моделидаги кўзойнак тақиб олади. Сюжетга кўра, ушбу парчада тасвирланган воқеалар 1945 йилда содир бўлади. Аммо бу кўзойнак модели фақатгина 1952 йилга келибгина ишлаб чиқарилади.
“Келажакка қайтиб” — Марти Макфлайнинг гитараси
Кўпчилик томошабинлар севиб кўрадиган вақт саёҳатчилари ҳақидаги афсонавий фильм. Бироқ бу фильмда ҳам мухлислар бир номувофиқликни пайқаб қолишди: 1955 йилга оид саҳнада Марти Гибсон гитарасида соло ижро этади. Муаммо шундаки, бу гитара модели фақатгина 1958 йилда ишлаб чиқарилган эди.
“Гарри Поттер ва Аланга кубоги” — Гермионанинг балда кийган кўйлаги
Гермионанинг кўйлаги фильмда пушти рангда кўрсатилади. Бироқ китобида у ҳаворанг кўйлак кийган.
“Бетмен қайтмоқда” — қора рицар грими
“Бетмен қайтмоқда” фильмининг якуний саҳнасида Майкл Китон ижросидаги бош қаҳрамон юзидаги ниқобини ечиб, Мушук аёлга аслида кимлигини ошкор қилади. Аммо бундан бир сония олдин унинг кўзлари атрофидаги қора пардоз сеҳрли тарзда ғойиб бўлади.
“Кичкина аёллар” — қаҳрамонларнинг кийимлари
Луиза Мей Эскотт асарининг мухлислари, шубҳасиз, оиланинг камбағал яшагани ҳақида билишади. Фильм қаҳрамонларнинг характерини жуда аниқ ифодалаган бўлса-да, қаҳрамонларнинг ўша давр учун анча қиммат бўлган кийимларини тез-тез алмаштириб туриши томошабинларга ғалати туюлди.
“Буюк Гецби” Дейзининг кўйлаги
Дейзи кийган кўйлаклар жуда замонавий кўринади. Ўша даврдаги силуэт эркинроқ, бўйин кесими тўртбурчак шаклида, орқадаги кесим эса анча чуқурроқ бўлган.
Изоҳ (0)