Ukraina Xavfsizlik xizmati 13-iyul kuni Kiyevda ukrainalik razvedkachi Ivan Voronichni o‘ldirganlikda gumon qilingan rossiyalik maxsus xizmat xodimlarini yo‘q qilganini ma’lum qildi. Bu haqda CNN xabar berdi.
Kiyev ukrainalik razvedkachining o‘limiga Rossiya Federal xavfsizlik xizmati aybdorligini ta’kidlagan. Ivan Voronich 10-iyul kuni ertalab Kiyevda otib o‘ldirilgandi.
Erkak va ayol gumonlanuvchilar ukrainalik razvedkachiga suiqasd uyushtirganidan keyin “ko‘zdan nari bo‘lishga” harakat qilgan. Shundan so‘ng, Ukraina xavfsizlik xizmati (UXX) va Milliy politsiya xodimlari Kiyevda qidiruv ishlarini boshlagan.
“Yashirin surishtiruv va faol kontrrazvedka tadbirlari natijasida dushman joylashuvi aniqlangan. Hibsga olish paytida ular qarshilik ko‘rsatgan. Otishma sodir bo‘lib, ular yo‘q qilingan”, dedi UXX rahbari Vasiliy Malyuk.
Malyuk otishma tugagach hodisa joyida video suratga olib, shunday degan:
Eslatib o‘tmoqchimanki, Ukraina hududida dushman uchun yagona istiqbol — o‘lim!
UXX ma’lumotlariga ko‘ra, dastlab gumonlanuvchilarning ikkalasi ham ta’qib qilingan. Shundan so‘ng ular xavfsiz joyda ovoz so‘ndirgichli to‘pponcha bilan otib o‘ldirilgan.
UXX Ukrainaning asosiy xavfsizlik xizmati bo‘lib, u ham ichki xavfsizlik, ham Rossiyaga qarshi sabotaj operatsiyalari uchun javobgar sanaladi. Aynan shu tashkilot iyun oyida Rossiya aerodromlariga yirik dron hujumi uyushtirgandi.
Izoh (0)