Rossiya va Ukraina Istanbulda erishilgan kelishuv asosida “1000 ga 1000” formatida asirlar ayirboshlashni yakunladi. Bu haqda Rossiya Mudofaa vazirligi xabar berdi.
Asirlar ayirboshlash uch kun davom etgan, 25-may kuni har ikki tomon 303 nafardan harbiy almashgan.
Ayni vaqtda Rossiya harbiy xizmatchilari Belarus hududida bo‘lib, u yerda ularga zarur psixologik va tibbiy yordam ko‘rsatilmoqda, deyiladi vazirlik bayonotida.
Rossiya Mudofaa vazirligi asirlar almashinuvning keyingi bosqichlari rejalashtirilmaganini ma‘lum qilgan.
Shunday qilib, 16-may kuni Istanbulda erishilgan Rossiya-Ukraina kelishuvlariga muvofiq, 23-25-may kunlari Rossiya va Ukraina tomonlari 1000 kishi uchun 1000 formulasi bo‘yicha almashishni amalga oshirdi, deyiladi xabarda.
Ukraina prezidenti Vladimir Zelenskiy ham asirlar almashinuvini tasdiqlagan.
303 nafar ukrainalik himoyachi uyda. Turkiyada kelishilgan 1000 ga 1000 almashishning uchinchi qismi yakunlandi. Ushbu almashinuvni muvaffaqiyatli amalga oshirish uchun kechayu kunduz ishlagan jamoaga rahmat. Biz, albatta, har bir odamni rus asirligidan qaytaramiz!, degan Zelenskiy.
Ma‘lumot o‘rnida, 24-may kuni Rossiya va Ukraina keng ko‘lamli mahbuslar almashinuvining ikkinchi bosqichi doirasida 307 nafar harbiy xizmatchini bir-biriga yetkazdi.
23-may kuni esa tomonlar 390 nafar fuqaroni: mos ravishda 270 nafar harbiy va 120 nafar fuqaroni bir-biriga topshirdi.
Izoh (0)