33 yoshli Oskar Jenkins 16-may kuni Ukraina sharqidagi qurolli mojaroda yollanma askar sifatida qatnashgani uchun Rossiya tomonidan sudlanib, 13 yilga qamoqqa olindi. Bu haqda rus prokurorlariga tayanib BBC xabar berdi.
Melburnlik o‘qituvchi Oskar Jenkins 2024-yilning dekabr oyida Lugansk viloyatida qo‘lga olingan. Prokurorlarning ta’kidlashicha, u Ukrainaga 2024-yil fevral oyida kelgan. Unga Rossiya qo‘shinlariga qarshi harbiy operatsiyalarda qatnashish uchun oyiga 600 mingdan 800 ming rublgacha pul to‘langan.
2025-yil yanvar oyida Avstraliya Jenkins qo‘lga olinganidan keyin o‘ldirilgani haqidagi yolg‘on xabarlar tufayli Rossiya elchisini chaqirtirgan va bir necha bor uni ozod qilishni so‘ragan.
“Biz janob Jenkinsning ishini Rossiya prezidenti Vladimir Putinning qoralangan hukumatiga taqdim etishda davom etamiz”, dedi Avstraliya bosh vaziri Entoni Albanese aprel oyida.
2025-yil mart oyida britaniyalik Jeyms Skott Ris Anderson terrorizm va yollanma faoliyatda ayblanib, Rossiya harbiy sudi tomonidan 19 yilga qamalgan va urush paytida Rossiya tomonidan sudlangan birinchi britaniyalik bo‘lgan edi.
Izoh (0)