AQShning Ruterford shahridagi “MetLife” stadionida bo‘lib o‘tgan Klublar o‘rtasidagi Jahon chempionati yarim final uchrashuvida Parijning “Pari Sen-Jermen” klubi Madridning “Real” jamoasini yirik — 4:0 hisobida mag‘lub etdi.
Parijliklar o‘yinni kuchli bosim ostida boshladi va 6-daqiqada yarim himoyachi Fabian Ruis hisobni ochdi. Oradan uch daqiqa o‘tib, Usmon Dembele hisobni 2:0 ko‘rinishiga keltirdi. 24-daqiqada yana Ruis faol o‘yin namoyish etib, o‘z dublini rasmiylashtirdi. Yakuniy natija esa 87-daqiqada zaxiradan maydonga tushgan hujumchi Gonsalu Ramush tomonidan o‘rnatildi — 4:0.
Mazkur g‘alaba evaziga “PSJ” musobaqa finaliga yo‘l oldi. Hal qiluvchi bahs 13-iyul oqshomida bo‘lib o‘tadi. Unda parijliklar Angliyaning “Chelsi” jamoasiga qarshi maydonga tushadi. “Real Madrid” esa musobaqadagi ishtirokini shu bosqichda yakunladi.
Klublar o‘rtasidagi Jahon chempionati
Yarim final
10-iyul, payshanba
“PSJ” — “Real Madrid” 4:0
Gollar: 1:0 — Ruis (6), 2:0 — Dembele (9), 3:0 — Ruis (24), 4:0 — Ramush (87)
Izoh (0)