Madridning “Real” klubi bosh murabbiyi Xabi Alonso Klublar o‘rtasidagi Jahon chempionati yarim finali oldidan tashkil etilgan matbuot anjumanida “PSJ” bilan bo‘ladigan uchrashuv haqida o‘z fikrlarini bildirdi.
Biz Chempionlar Ligasi g‘oliblariga qarshi bahs olib boramiz. Ular so‘nggi oylarda juda ijobiy natijalar qayd etmoqda. “PSJ” 1/8 final bosqichidan boshlab juda yuqori saviyada o‘yin ko‘rsatmoqda. Bu bahs biz uchun haqiqiy sinov bo‘ladi. Menimcha, mazkur bahs biz boshlagan yangi loyihaning navbatdagi muhim qadami hisoblanadi. Jamoamiz yaxshi o‘yin ko‘rsatmoqda va “PSJ”ga qarshi ham shu darajada o‘ynay olishimizga ishonaman, — dedi ispaniyalik mutaxassis.
Eslatib o‘tamiz, “PSJ” – “Real Madrid” uchrashuvi bugun, 9-iyuldan 10-iyulga o‘tar kechasi, soat 00:00 da (O‘zbekiston vaqti bilan) bo‘lib o‘tadi. Uchrashuv g‘olibi 13-iyul oqshomida bo‘ladigan hal qiluvchi final o‘yinida “Chelsi”ga qarshi maydonga tushadi.
Izoh (0)