AQSHning Florida shtatida yashovchi fuqaro o‘ziga nisbatan chiqarilgan adolatsiz hukm tufayli 34 yil qamoqda o‘tirganlik uchun hokimiyatdan 1,7 million dollar miqdorida tovon puli oldi. Bu haqda 7News xabar bermoqda.
1988-yil iyun oyida Sidney Xolms supermarket yaqinida qurolli o‘g‘rilikda ayblangan. Erkak do‘konda va uning atrofida hech qachon bo‘lmaganini aytganiga qaramay, olti kishi uning alibisini tasdiqlagan bo‘lsa-da, u shubha ostiga olingan. Erkakning fikricha, barcha muammo uning avtomobilida bo‘lgan. Chunki u o‘g‘rilik sodir bo‘lgan joydagi mashinaga o‘xshardi. Xolms voqea sodir bo‘lgan kuni bolalari va otasi bilan birga bo‘lganini ta’kidlagan.
Aybsizligiga qaramay, Florida shtati fuqarosi sudning hukmi bilan 400 yilga ozodlikdan mahrum etilgan. 2020-yilda Xolms ayblov hukmlarini tekshirish bo‘limiga murojaat qilgan. Tekshiruv natijalariga ko‘ra, prokuratura uning ushbu jinoyatda aybdor emasligini tasdiqladi. Erkak hech kimdan xafa emasligini va davlat yordami bilan normal hayotga qaytishga umid qilayotganini aytdi.
2023-yilda 59 yoshli Sidney Xolmsning ishi qayta ko‘rib chiqilib, to‘liq oqlangandan so‘ng ozodlikka chiqarildi.
“Janob Xolmsni o‘g‘rilik bilan bog‘laydigan hech qanday dalil mavjud emas. U gumonlanuvchilar ro‘yxatiga xato tufayli kiritilgan”, dedi sudda erkakning advokati.
Izoh (0)