Angliyaning “Liverpul” klubi rasmiy saytida bergan bayonotiga ko‘ra, avtohalokatda vafot etgan hujumchi Diogu Jota sharafiga uning 20-raqamli libosi abadiy muzlatib qo‘yildi. Endi bu raqam jamoada boshqa hech kimga berilmaydi.
20-raqam Jotaning xizmatlari evaziga abadiylashtirildi. Aynan u o‘zining mashhur fint va zarbasi bilan 2024/25-yilgi mavsumda klubga 20-chempionlikni olib kelgan edi. Bu gol “Enfild” stadionida o‘tgan mersisayd derbisida kiritilgan va Jotaning hayotidagi so‘nggisi bo‘lib qoldi, — deyiladi klub bayonotida.
Yillar davomida orzu qilib kelgan chempionlikka aynan shu mavsumda, dunyoning eng kuchli ligasida va bolaligimda o‘ynashni orzu qilgan jamoam safida erishish, bu men uchun umrbod esda qoladigan va doimo qadrlaydigan lahza bo‘ladi, — degan edi Jota so‘nggi intervyularining birida.
Ma’lumot uchun, Diogu Jota ushbu golni Angliya Premyer Ligasining 30-turidan o‘rin olgan “Everton”ga qarshi o‘yinda amalga oshirgan. “Liverpul” o‘sha uchrashuvda 1:0 hisobida g‘alaba qozonib, muddatidan oldin chempionlikni rasmiylashtirgan edi.
Eslatib o‘tamiz, Jota 2025-yil 3-iyul oqshomida avtohalokatga uchrab, vafot etgan. Ushbu yo‘l-transport hodisasi natijasida uning ukasi Andre Silva ham hayotdan ko‘z yumgan.
Izoh (0)