Qirg‘iziston Respublikasi prezidenti Sadir Japarov “2025-yil 31-martda Xo‘jand shahrida imzolangan Qirg‘iziston, Tojikiston va O‘zbekiston o‘rtasidagi uch davlat chegaralari tutashgan nuqta to‘g‘risidagi shartnomani ratifikatsiya qilish haqida”gi qonunni imzoladi.
Qonun Qirg‘iziston Respublikasi Jogorku Keneshi tomonidan 2025-yil 25-iyunda qabul qilingan.
Qonunning maqsadi Qirg‘iziston Respublikasining “Qirg‘iziston Respublikasining xalqaro shartnomalari to‘g‘risida”gi va “Qirg‘iziston Respublikasi Jogorku Keneshining Reglamenti to‘g‘risida”gi qonunlariga muvofiq davlat ichki tartib-qoidalarini amalga oshirishdan iborat.
Xususan, qonun bilan Qirg‘iziston Respublikasi, Tojikiston Respublikasi va O‘zbekiston Respublikasi o‘rtasida 2025-yil 31-martda Xo‘jand shahrida imzolangan uch davlat chegaralari tutashgan nuqta to‘g‘risidagi shartnomani ratifikatsiya qilish taklif etilmoqda.
31-mart kuni Tojikiston, Qirg‘iziston va O‘zbekiston prezidentlari Emomali Rahmon, Sadir Japarov va Shavkat Mirziyoyev Xo‘jandda (Tojikiston) bo‘lib o‘tgan uchrashuvda davlat chegaralari tutashgan nuqta to‘g‘risidagi shartnomani imzoladilar. Chegaralar tutashgan joy Farg‘ona vodiysida joylashgan bo‘lib, So‘g‘d (Tojikiston), Farg‘ona (O‘zbekiston) va Botken viloyatlarini (Qirg‘iziston) bir-biriga tutashtiradi.
Izoh (0)