“Tolibon” Termizdagi afg‘on-o‘zbek chegarasidagi umumiy bozorga 40 yoshgacha bo‘lgan ayollarni kiritmaslik to‘g‘risida nizom chiqardi. Bu haqda AmuTv xabar berdi.
Savdogarlarning aytishicha, cheklov mijozlar oqimini keskin kamaytirib, transchegaraviy iqtisodiy faoliyatni izdan chiqargan.
“Oldin mijozlarimizning asosiy qismini oilalar, jumladan, ayollar tashkil qilardi. Endi yosh ayollarga taqiq qo‘yilganidan so‘ng, sotuvlarimiz keskin pasayib ketdi”, dedi afg‘on savdogarlaridan biri.
“Tolibon” bu haqda jamoatchilik oldida rasman e’lon qilmagan.
Ilgari Termizga biznes yoki xarid qilish uchun borgan oilalar endi yangi qoida ta’siri sabab bozorga borish ehtimoli kamligini aytishmoqda. Bozor mutasaddilarining ogohlantirishicha, agar “Tolibon” bu siyosatni o‘zgartirmasa, iqtisodiy oqibatlar har ikki tomondagi chegara jamoalari uchun qiyinchiliklarni chuqurlashtirishi mumkin.
Izoh (0)