Madridning “Real” klubi hujumchisi Rodrigo Goes yaqin orada jamoani tark etishi mumkin. Bu haqda taniqli jurnalisti Ekrem Konurga tayanib Euro-Football xabar berdi.
Manbaga ko‘ra, Saudiyaning ikki grand klubi – “An-Nassr” va “Al-Hilol” braziliyalik futbolchining xizmatlariga jiddiy qiziqish bildirmoqda. Har ikki jamoa 24 yoshli futbolchini qo‘lga kiritish uchun kurash olib bormoqda.
Qayd etilishicha, Rodrigo Kilian Mbappening jamoaga qo‘shilganidan so‘ng o‘zini “Real” safida noqulay his qilmoqda. Bu esa uning transfer ehtimolini yanada oshirmoqda.
Shu bilan birga, Angliyaning “Arsenal” klubi ham Rodrigoga jiddiy qiziqish bildirgan. Biroq “Real Madrid” hozircha o‘z futbolchisini sotish niyatida emas.
Eslatib o‘tamiz, Rodrigo 2024/25-yilgi mavsumda barcha musobaqalar doirasidagi 51 ta o‘yinda maydonga tushib, o‘z hisobiga 14 ta gol va 10 ta golli uzatma yozdirib qo‘ygan. Uning “qaymoqranglilar” bilan shartnomasi 2028-yilning yoziga qadar amal qiladi. Transfermarkt portali hujumchining qiymatini 90 million yevroga baholagan.
Izoh (0)