Madridning “Real” klubiga bosh murabbiy etib tayinlangan Xabi Alonso “qaymoqranglilar” hujumchisi Rodrigoning kelajagi haqida fikr bildirdi.
Oldinroq OAVda braziliyalik futbolchi mavsum oxirida jamoani tark etishni rejalashtirayotgani haqida xabarlar paydo bo‘lgandi.
U hozircha “Real” futbolchisi va har bir o‘yinchi bilan alohida suhbatlashishni rejalashtirganman, chunki bu juda muhim. Rodrigo — ajoyib iste’dod egasi, bizga juda kerakli futbolchi. Uning jamoada qolishini istayman, deya Alonso so‘zlarini keltiradi Marca nashri.
Ma’lumot uchun, Rodrigo joriy mavsum “Real” jamoasi safida 50 o‘yinda maydonga tushib, o‘z hisobiga 13 ta gol va 10 ta golli uzatma yozdirib qo‘ygan.
Avvalroq, futbolchi Alonso jamoaga kelgach, u bilan suhbatlashib ko‘rishi va shundan keyin yakuniy qaror qabul qilishini ma’lum qilgan edi.
Shuningdek, OAVda braziliyalik futbolchiga Angliyaning “Chelsi” hamda “Manchester Siti” klublari jiddiy qiziqish bildirayotgani haqida xabarlar tarqalgandi.
Izoh (0)