Qashqadaryo viloyati IIBB Yo‘l harakati xavfsizligi boshqarmasi Qarshi shahrida sodir bo‘lgan yo‘l-transport hodisasi haqida maʼlumot berdi.
Qayd etilishicha, 4-iyul kuni soat taxminan 07:53 larda Qarshi shahar “Bo‘ston” MFY hududidan o‘tuvchi Qarshi—Tallikuron—Kasbi—Jeynov—Pomuq avtomobil yo‘lida haydovchi R.A. boshqaruvida bo‘lgan Spark rusumli avtomobili ishtirokida YTH sodir bo‘lgan. U o‘zining transport vositasini Kasbi—Qarshi yo‘nalishi bo‘yicha boshqarib kelib orqaga burilyotganida, haydovchi X.L. boshqaruvida bo‘lgan BYD rusumli avtomobilining harakat yo‘liga chiqib ketgan.
Natijada qarama-qarshi yo‘nalishdan harakatlanib kelayotgan haydovchi R.A. boshqaruvida bo‘lgan Nexia rusumli avtomashina bilan Spark to‘qnashgan.
Hodisa oqibatida Spark rusumli avtomashina haydovchisi R.A. tan jarohati olib shifoxonaga yotqizilgan, shifokorlar tomonidan birinchi yordam ko‘rsatilishiga qaramasdan shifoxonada vafot etgan.
Avvalroq Andijon viloyatida haydovchilik guvohnomasiga ega bo‘lmagan yigit mashina boshqarib, avtohalokat sodir etgani, Toshkent viloyatida boshqaruvni yo‘qotgan Damas transport vositasi kanalga tushib ketgani to‘g‘risida xabar berilgandi. Shuningdek, Navoiyda sodir bo‘lgan YTHda bir oilaning 5 a’zosi halok bo‘lgan edi.
Izoh (0)