Қашқадарёда BYD, Spark ва Nexia иштирокидаги ЙТҲда ҳайдовчи ҳалок бўлди

Қашқадарё вилояти ИИББ Йўл ҳаракати хавфсизлиги бошқармаси Қарши шаҳрида содир бўлган йўл-транспорт ҳодисаси ҳақида маълумот берди.

Қайд этилишича, 4 июль куни соат тахминан 07:53 ларда Қарши шаҳар “Бўстон” МФЙ ҳудудидан ўтувчи Қарши—Талликурон—Касби—Жейнов—Помуқ автомобиль йўлида ҳайдовчи Р.А. бошқарувида бўлган Spark русумли автомобили иштирокида ЙТҲ содир бўлган. У ўзининг транспорт воситасини Касби—Қарши йўналиши бўйича бошқариб келиб орқага бурилётганида, ҳайдовчи Х.Л. бошқарувида бўлган BYD русумли автомобилининг ҳаракат йўлига чиқиб кетган.

Натижада қарама-қарши йўналишдан ҳаракатланиб келаётган ҳайдовчи Р.А. бошқарувида бўлган Nexia русумли автомашина билан Spark тўқнашган.

Ҳодиса оқибатида Spark русумли автомашина ҳайдовчиси Р.А. тан жароҳати олиб шифохонага ётқизилган, шифокорлар томонидан биринчи ёрдам кўрсатилишига қарамасдан шифохонада вафот этган.

Аввалроқ Андижон вилоятида ҳайдовчилик гувоҳномасига эга бўлмаган йигит машина бошқариб, автоҳалокат содир этгани, Тошкент вилоятида бошқарувни йўқотган Damas транспорт воситаси каналга тушиб кетгани тўғрисида хабар берилганди. Шунингдек, Навоийда содир бўлган ЙТҲда бир оиланинг 5 аъзоси ҳалок бўлган эди.