O‘zbekistonda yo‘l infratuzilmasini rivojlantirish uchun jamg‘armalar tashkil etiladi.
“Transport vositalaridan foydalanishda aholiga qo‘shimcha qulayliklar yaratish chora-tadbirlarida to‘g‘risida”gi Vazirlar Mahkamasi qarorida belgilanishicha, yo‘l infratuzilmasini rivojlantirish jamg‘armalari tuman va shahar hokimliklari huzurida tashkil etiladi.
Ularning mablag‘lari faqat yo‘l infratuzilmasini rivojlantirish uchun maqsadli sarflanadi.
Ayni paytda O‘zbekistonda Avtomobil yo‘llarini rivojlantirish jamg‘armasi bor. Bu jamg‘arma 2020-yilda prezident qaroriga binoan tashkil etilgan. Jamg‘arma maqsadi umumiy foydalanishdagi avtomobil yo‘llarini ta’mirlash, rekonstruksiya qilish va yangilarini qurishdan iborat.
Jamg‘arma davlat byudjetidan ajratmalar, soliq va bojxona tushumlarining bir qismi, chetdan jalb qilingan mablag‘lar (xalqaro moliya institutlari, kreditlar, grantlar) hisobidan moliyalashtiriladi.
Izoh (0)