Klublar o‘rtasidagi Jahon chempionati: 2-tur uchrashuvlari o‘tkazilmoqda. 20-iyundan 21-iyunga o‘tar kechasi Klublar o‘rtasidagi Jahon chempionati 2-tur doirasida yana to‘rtta bahs bo‘lib o‘tdi.
Dastlabki bahs “Benfika” – “Oklend Siti” jamoalari o‘rtasida bo‘lib o‘tdi.
Mazkur o‘yinning birinchi bo‘limida Di Mariyaning goli portugaliyaliklarga g‘alaba olib kelayotgandi. Shundan so‘ng o‘yin noqulay ob-havo sharoiti sabab nomaʼlum vaqtga qoldirildi.
Uzoq vaqt tanaffusdan so‘ng davom etgan bahsda yana beshta gol urildi. Yakuniy hisob 6:0 – “Benfika” g‘olib.
Kunning ikkinchi o‘yini “Flamengo” – “Chelsi” ishtirokida bo‘lib o‘tdi.
Uchrashuvda hisob londonliklar tomonidan ochildi. 13-daqiqada Pedru Netu gol urdi. Ikkinchi bo‘limda braziliyaliklar faollikni oshirdi. 62-daqiqaga kelib Bruno Enrike, 65-daqiqada esa Danilo gol urdi. 68-daqiqaga kelib “Chelsi” bir kishi kam bo‘lib qoldi. 83-daqiqada Yan Vallas uchrashuvga yakuniy nuqtani qo‘yib berdi.
Klublar o‘rtasidagi Jahon chempionati
2-tur
“D” guruhi
“Flamengo” — “Chelsi” 3:1
Uchinchi o‘yin esa “Los-Anjeles” – “Esperans” o‘rtasida o‘tkazildi.
Unda Tunis klubi g‘alabaga erishji. 71-daqiqada Yusef Belaylining goli jamoasiga g‘alaba olib keldi.
Klublar o‘rtasidagi Jahon chempionati
2-tur
“D” guruhi
“Los-Anjeles” — “Esperans” 0:1
So‘nggi bahs “Bavariya” hamda “Boka Xuniors” jamoalari o‘rtasida o‘tdi.
Myunxenliklar hujumchisi Xarri Keyn 18-daqiqada gol urdi. Ikkinchi bo‘limning 66-daqiqasida Migel Merentiyelning goli hisobni tenglashtirdi. 84-daqiqaga kelib myunxenliklar yana gol urdi – Keynning uzatmasini Olise golga aylantirdi.
Klublar o‘rtasidagi Jahon chempionati
2-tur
“C” guruhi
“Bavariya” — “Boka Xuniors” 2:1
Mazkur uchrashuvlardan so‘ng “C” va “D” guruhlarida vaziyat quyidagicha:
Izoh (0)