“Atletik Bilbao” klubi futbolchisi Niko Uilyams faoliyatini Ispaniyaning grand jamoalaridan biri — “Barselona”da davom ettirish niyatida. Jurnalist Santi Aunaning xabar berishicha, 22 yoshli vinger “ko‘k-anorranglilar” safiga qo‘shilish uchun kataloniyaliklarning barcha shartlariga rozilik bildirgan.
Ma’lumotlarga ko‘ra, 13-iyun, juma kuni futbolchining agenti “Barselona” sport direktori Deku bilan shaxsan uchrashuv o‘tkazgan. Niko Uilyams “Barselona” tomonidan o‘tgan yozda taklif etilgan yillik 12 million yevro miqdoridagi maoshni qabul qilishga tayyor.
Shuningdek, futbolchiga Yevropaning boshqa top klublari — Germaniyaning “Bavariya”, Angliyaning “Arsenal” va “Chelsi” jamoalari ham qiziqish bildirmoqda. Ammo Niko faqatgina “Barselona”ga o‘tishni istamoqda. Shu bois boshqa jamoalar bilan muzokara o‘tkazishni xohlamayapti.
Niko Uilyamsning “Atletik” bilan amaldagi shartnomasida 60 million yevro miqdorida tovon puli belgilangan. Transfermarkt portali uning bozor qiymatini 70 million yevroga baholagan.
Futbolchi o‘tgan mavsum La Liga doirasidagi 29 ta uchrashuvda maydonga tushib, o‘z hisobiga 5 ta gol va 5 ta assist yozdirib qo‘ygan. Uning klub bilan shartnomasi 2027-yilning yoziga qadar amal qiladi.
Izoh (0)