“Tolibon” harakati Qurbon hayiti rasman 7-iyun kuni nishonlanishini e’lon qildi. Bu haqda Afg‘oniston Oliy sudi xabar berdi.
Islom qamariy taqvimining oxirgi oyi — zulhijja oyining birinchi kuni Saudiya Arabistonida 28-mayga to‘g‘ri keladi. Musulmonlarning ikki yirik bayramidan biri bo‘lgan Qurbon hayiti zulhijja oyining 10-kuni nishonlanadi. Shu tariqa 6-iyun Qurbon hayiti bayramiga to‘g‘ri keladi. O‘zbekistonda ham shu kuni bayram nishonlanadi.
Biroq Afg‘onistondagi “Hilol ko‘rish qo‘mitasi” hech bir viloyatda 28-may kuni zulhijja oyi ko‘rinmaganini ma’lum qilgan. Fuqarolar ham ushbu oyni ko‘rgani haqida shariat sudlariga guvohlik bermagan. Shundan kelib chiqib, “Tolibon” 28-may zulqa’da oyining so‘nggi kuni ekanini aytib, 7-iyunni Qurbon hayiti sifatida belgilagan.
Malayziya va Bruney ham 29-may kunidan zulhijja oyi boshlanishini ma’lum qilgan. Ular ham 7-iyun sanasida Qurbon hayitini nishonlaydi.
Izoh (0)