So‘nggi 20 yil ichida 65 yoshdan oshgan odamlarning havo harorati ko‘tarilishi bilan bog‘liq o‘limi 85 foizga oshdi. Bu haqda BMT bosh kotibi Antoniu Guterrish ma’lum qildi.
“Termometrlarning ko‘tarilishidan eng ko‘p aziyat chekayotganlar shaharlardagi kam ta’minlanganlar, homilador ayollar, imkoniyati cheklanganlar va qariyalardir. Masalan, 65 yoshdan oshgan odamlarda issiqlikdan o‘lim darajasi so‘nggi 20 yilda 85 foizga oshgan”, dedi BMT bosh kotibi.
Gutterish XXI asrning o‘rtalariga kelib, anomal issiq sharoitlarda yashovchi kam ta’minlanganlar soni 700 foizga oshishini prognoz qilmoqda.
“Ekstremal issiqlik tengsizlikni kuchaytiradi, oziq-ovqat taqchilligini keltirib chiqaradi va odamlarni yanada qashshoqlashtiradi”, deya xulosa qildi tashkilot bosh kotibi.
Izoh (0)