Germaniya kansleri Olaf Sholsning aytishicha, Germaniya hukumati Rossiya bilan NATO munosabatlarining keskinlashuviga olib keladigan qarorlar qabul qilmaydi.
“Bizning barcha qarorlarimiz shu qadar muvozanatli va shunday qabul qilinganki, Rossiya va Ukraina o‘rtasidagi mojaro Rossiya va NATO o‘rtasidagi urushga aylanib qolmasligiga qaratilgan”, dedi kansler.
Shols, shuningdek, Rossiya Ukraina bo‘yicha navbatdagi tinchlik sammitida ishtirok etishi mumkinligini ta’kidladi. Uning qo‘shimcha qilishicha, Berlin Kiyevni qo‘llab-quvvatlashda davom etadi.
Rossiya 15-16-iyun kunlari Shveysariyada bo‘lib o‘tgan tinchlik sammitida ishtirok etishga taklif qilinmadi. Ukraina prezidenti Vladimir Zelenskiy ikkinchi jahon sammitida Rossiya vakillari ishtirok etishi kerakligini aytdi. Rossiya Tashqi ishlar vazirligi Shveysariyadagi konferensiyani muvaffaqiyatsiz deb atadi va kelajakda shu kabi tadbirlarda ishtirok etishdan bosh tortdi.
Rossiya Tashqi ishlar vazirligi rahbari Sergey Lavrov konferentsiyada muhokama qilingan mojaroni hal qilish bo‘yicha yondashuvlar Rossiya uchun nomaqbul ekanligini ta’kidladi.
Izoh (0)