Ko‘chalarda — qatʼiy yopinchiqlar, yopiq yuzlar va minimal hissiyotlar bilan, biroq uy ostanasidan o‘tgach, arab ayollari hayratlanarli darajada boshqacha ko‘rinadi. Arab dunyosidagi moda haqida gap ketganda, ko‘pchilik darhol faqat abaya, hijob va cheksiz qora rangni tasavvur qiladi. Ammo aslida arab modasining ikkinchi, yashirin tomoni bor — u faqat uyda, oila davrasida va turmush o‘rtog‘i yonida mavjud.
Aynan shu yerda sharqona ayol obrazining haqiqiy jozibasi, didi va sahnaviyligi va turmush o‘rtog‘ining mavqei haqida ko‘plab maʼlumotlar namoyon bo‘ladi.
Ko‘chada — sipolik, uyda — aksincha
Arab ayolining ommaviy obrazi kamtarlik g‘oyasi atrofida qurilgan. Saudiya Arabistoni, Qatar yoki Quvayt ko‘chalarida ayol begona ko‘zlardan yopiq bo‘lishi, uzun abaya, qora ranglar, yopiq soch turmagi, baʼzan butunlay yopiq yuzda bo‘lishi kerak. Ammo ayol uyga kelishi bilan o‘zining butunlay teskarisiga aylanadi.
Uyda u xohlagan narsasini kiyishi mumkin va aksariyat hollarda bu sport kiyimi yoki eski futbolka emas. Aksincha, polgacha tushadigan kashta tikilgan ko‘ylak, bashang xalat, poshnali tufli, taqinchoqlar va chiroyli bezaklardan iborat obraz. Arab madaniyatida ayol omma uchun emas, balki aynan jufti haloli uchun go‘zal bo‘lishi kerak, deb hisoblanadi.
Pardoz, tilla va atir
Arab ayollarining uydagi obrazi ko‘pincha yorqin pardozni o‘z ichiga oladi, ko‘zlarga alohida urg‘u beriladi. Ayol uydan tashqariga chiqmasa ham, uyda makiyaj qilib yuradi. Maqsad esa oddiy: er ayolini eng jozibali ko‘rinishda ko‘rishi kerak.
Ularning zeb-ziynatlari esa alohida hikoyadir. Tilla qancha ko‘p bo‘lsa, erning martabasi shuncha baland bo‘ladi. Bilaguzuk, zirak va uzuklar qanchalik hashamatli bo‘lsa, uning ijtimoiy mavqei shunchalik salmoqli bo‘ladi. Bu shunchaki estetika emas, balki oilaning ayollar qismi va mehmonlar o‘rtasidagi yashirin ramzi hisoblanadi.
Atir ham muhim rol o‘ynaydi, arab ayollari ko‘pincha — sharq yog‘lari, ud, mushk va anbardan foydalanadi. Uyning turg‘un ifori ham marosimning bir qismidir.
Uy uchun kiyimlar: nafaqat ko‘ylaklar, balki butun bir janr
Hatto alohida atama ham bor — “kaftan” — aynan uyda kiyiladigan hashamatli bezakli keng uzun ko‘ylakning bir turi. Ko‘ylaklar ko‘chaga chiqish uchun mo‘ljallanmagan. Ular yupqa matolardan tikiladi, marjonlar bilan bezak beriladi va ko‘pincha belda kamar bilan to‘ldiriladi. Baʼzi mamlakatlarda uyda kundalik kiyimda yurish odobsizlik hisoblanadi: uy uchun kiyimlar yangi va toza bo‘lishi kerak.
Ular ishlamaydi, deb kim aytdi?
Keng tarqalgan afsona: arab ayoli ishlamaydi, o‘qimaydi va faqat turmush bilan shug‘ullanadi. Ha, konservativ oilalarda hali ham uyda o‘tirish anʼanasi kuchli, ammo bu tez o‘zgarmoqda.
BAA, Saudiya Arabistoni, Bahrayn va Quvaytda biznes yuritayotgan, karyera qilayotgan yoki media loyihalarini rivojlantirayotgan oliy maʼlumotli ayollar soni ortib bormoqda. Chunki bu ularning madaniyatining bir qismidir.
Nima uchun ular barchaga shunchalik qiziq?
Chunki qatʼiy qora kiyimlari ortida ekstravagant, jozibakor, maftunkor ayol bo‘lishi mumkin bo‘lgan dunyo yashiringan. U yerda ayolni begonalar baholamaydi va barcha eʼtibor faqat u haqiqatan ham yoqishni istagan odamlarga qaratiladi.
Izoh (0)