Shavkat Mirziyoyev Rossiyaning Moskva viloyatidagi Crocus City Hall konsert zalida sodir bo‘lgan fojia oqibatida o‘nlab begunoh insonlar qurbon bo‘lgani va jiddiy jarohat olgani munosabati bilan prezident Vladimir Putinga chuqur taʼziya yo‘lladi. Bu haqda Prezident matbuot xizmati xabar berdi.
Maktubda O‘zbekiston tinch aholiga qarshi qaratilgan bu terrorchilik harakatini qatʼiy qoralashi hamda mazkur jinoyat tashkilotchilari va ijrochilariga jazo muqarrarligi taʼminlanishiga ishonch bildirilgan.
Davlat rahbari vafot etganlarning yaqinlariga bardamlik, barcha jarohat olganlar tez fursatda sog‘ayib ketishini tiladi.
22-mart kuni Moskva viloyatidagi “Piknik” guruhining konserti bo‘lib o‘tayotgan Crocus City Hall konsert zalida nomaʼlum shaxslar o‘t ochdi. Binoda portlash sodir bo‘lgan va yong‘in boshlangan. Qurbonlar soni 40 dan oshgani aytilmoqda.
Izoh (0)