Londonning “Chelsi” klubi “Manchester Yunayted” vingeri Alexandro Garnachoni o‘z safiga qo‘shib olishni istamoqda. Bu haqda insayder Fabrisio Romano o‘zining ijtimoiy tarmoqlardagi sahifasi orqali xabar berdi.
Manbaga ko‘ra, “aristokratlar” “qizil iblislar”ga argentinalik yarim himoyachini o‘z futbolchilaridan biri bilan almashtirishni taklif qilgan. “Chelsi” “Manchester Yunayted” rahbariyatiga quyidagi to‘rt futbolchidan birini tanlash imkoniyatini taklif etgan: Nikolas Jekson (hujumchi), Kristofer Nkunku (hujumchi), Aksel Disasi (himoyachi) va Renatu Veyga (himoyachi).
Biroq “Manchester Yunayted” londonliklarning ushbu taklifiga rad javobini bergan. Klub rahbariyati Garnachoni faqat naqd pul evaziga qo‘yib yuborishga tayyor. Sababi uning transferidan tushadigan mablag‘ni jamoaning boshqa pozitsiyalarini kuchaytirishga yo‘naltirish rejalashtirilgan.
Avvalroq “Chelsi” yuqorida tilga olingan futbolchilarni yangi bosh murabbiy Enso Mareska rejalariga kirmagani sababli sotmoqchi ekani haqida xabarlar chiqqan edi. Shu bilan birga, Garnachoning ham “Manchester Yunayted”ni tark etmoqchi ekani, hattoki o‘z xizmatlarini Madridning “Real” klubiga taklif qilgani haqida mish-mishlar tarqalgan.
Izoh (0)