O‘zbekiston Superligasining 16-tur uchrashuvlari davom etmoqda. 2-avgust, shanba kuni musobaqa doirasida bir nechta bahslar bo‘lib o‘tdi. Ulardan biri Farg‘onada, yana biri esa Jizzaxda o‘tkazildi.
Turning markaziy o‘yinlaridan biri Farg‘onada bo‘lib o‘tdi. Unda “Neftchi” jamoasi Toshkentning “Bunyodkor” klubini qabul qilib, 1:2 hisobida imkoniyatni boy berdi.
O‘yindagi birinchi gol 50-daqiqada “Bunyodkor”ning xorvatiyalik futbolchisi Martin Sroler kiritildi. Oradan 5 daqiqa o‘tib, mezbonlar himoyachisi Boyan Siger javob golini kiritib, hisobni tenglashtirdi. O‘yin yakuniga arafasida, aniqrog‘i 87-daqiqada toshkentliklar vakili Sardor Abdunabiyev aniq zarba bilan jamoasiga muhim uch ochkoni taqdim etdi.
Mazkur g‘alabadan so‘ng “Bunyodkor” ochkolarini 30 taga yetkazib, turnir jadvalida 3-o‘ringa ko‘tarildi. Xuddi shuncha ochkoga ega “Neftchi” 4-pog‘onaga tushib ketdi.
Kunning yana bir qiziqarli uchrashuvi Jizzaxdagi “Markaziy” stadionda o‘tkazildi. Unda mezbon “So‘g‘diyona” Qarshining “Nasaf” klubiga qarshi maydonga tushdi va 1:2 hisobida mag‘lub bo‘ldi.
Uchrashuvda tezkor gol kiritildi: 6-daqiqada “Nasaf” hujumchisi Husayn Norchayev hisobni ochdi — 0:1. 27-daqiqada Jizzax klubi himoyachisi Otabek Ahadov avtogol muallifiga aylandi. Ikkinchi bo‘limning 58-daqiqasida “So‘g‘diyona” futbolchisi Rubin Hebay sobiq jamoasi darvozasiga to‘p kiritib, hisobni qisqartirdi. Biroq bu gol mezbonlar uchun yetarli bo‘lmadi va natija o‘yin yakunigacha o‘zgarmadi.
G‘alabadan keyin “Nasaf” ochkolarini 36 taga yetkazib, turnir jadvalidagi peshqadamlikni mustahkamladi. “So‘g‘diyona” esa 16 ochko bilan 11-o‘rinda qolmoqda.
O‘zbekiston Superligasi
16-tur
2-may, shanba
“Neftchi” — “Bunyodkor” 1:2
Gollar: 0:1 — Sroler (50), 1:1 — Siger (55), 1:2 — Abdunabiyev (87)
“So‘g‘diyona” — “Nasaf” 1:2
Gollar: 0:1 — Norchayev (6), 0:2 — Ahadov (avtogol, 27), 1:2 — Hebay (58)
Izoh (0)