Moskvadan “SSKA” futbol klubi o‘z tarixida sakkizinchi bor Rossiya Superkubogi g‘olibiga aylandi. Poytaxtliklar finalda “Krasnodar”ni 1:0 hisobida mag‘lub etib, bosh sovrinni yana bir bor qo‘lga kiritishdi.
Qozon shahridagi “Ak Bars Arena” stadionida bo‘lib o‘tgan uchrashuvdagi yagona gol 48-daqiqada “SSKA” himoyachisi Igor Diveyev tomonidan kiritildi.
O‘zbekistonlik futbolchi Abbosbek Fayzullayev 79-daqiqada zaxiradan maydonga tushdi.
Mazkur g‘alaba evaziga “SSKA” o‘z tarixida sakkizinchi bor Rossiya Superkubogini qo‘lga kiritdi. “Armiyachilar” bu borada faqat “Zenit”dan (9 marta) ortda qolmoqda.
Rossiya Superkubogi
Final
12-iyul, shanba
“Krasnodar” — “SSKA” 0:1
Gol: 0:1 — Igor Diveyev (48)
Izoh (0)