Futbol bo‘yicha Rossiya Premyer Ligasining 2020/21-yilgi mavsumi 8—9-avgust kunlari boshlanadi. Bu haqda Premyer Liga matbuot xizmatida xabar berildi.
Mamlakat Superkubogi o‘yini esa 7-avgust kuni SSKA klubi uy uchrashuvlarini o‘tkazadigan “VEB Arena”da bo‘lib o‘tadi.
Ta’kidlanishicha, yangi mavsumning yakuniy taqvimi 24-iyul kuni Rossiya futbol ittifoqining ijroiya qo‘mitasi tomonidan tasdiqlanadi.
2019/20-yilgi mavsum yakunlariga ko‘ra, “Zenit” chempionlikni qo‘lga kiritdi. Kuchli uchlikdan “Lokomotiv” va “Krasnodar” klublari joy olgan bo‘lsa, SSKA va “Rostov” musobaqani top-5 da yakunladi.
Shu tariqa o‘zbekistonlik hujumchi Eldor Shomurodov to‘p surayotgan “Rostov” klubi kelasi mavsumda Yevropa Ligasi guruh bosqichiga chiqish uchun saralash o‘yinlarida ishtirok etadi.
Mavzuga doir:
Izoh (0)